Tuesday, December 29, 2009

पाण्याची बचत कशी साधवी.

पाणी निसर्गाने आम्हाला दिलेली एक अमूल्य देन आहे. त्यामुळे पाणी वाचविणे हे आपले कर्तव्यच आहे असे समजून आपण पाणी वाचविण्याचा आटोकाट प्रयत्न केला पाहिजे. पाणी कसे वाचविता येईल याचे काही घरगुती मार्ग येथे देत आहे आवडले तर अवश्य कळवा.
१) घरातील नळ जर लिक होत असेल तर ताबडतोब प्लंबर ला बोलावून दुरुस्त करून घ्यावा. नळातून थेंब थेंब पाणी गालात असते त्याकडे आपण दुर्लक्ष करतो पण थेंबे थेंबे तळे साचे हे आपल्या पूर्वजांनी सांगितलेले सुविचार विसरून चालणार नाही पाणी वाचवा जीवन वाचवा!
२) पिण्यासाठी साठविलेले पाणी दुसऱ्या दिवशी फेकून देऊ नये. त्याचा उपयोग आंघोळीसाठी, कपडे धुण्यासाठी, कुंडीतील झाडांसाठी किंवा बागेतील झाडांसाठी करावा पाणी वाचवा जीवन वाचवा!
३) दंत स्वच्छता करतांना बेसिन चा नाला सतत चालू ठेऊ नये। त्यापेक्षा जुन्या पध्दती प्रमाणे तांब्यात पाणी घेऊन दंत स्वच्छता करणे उत्तम पाणी वाचवा जीवन वाचवा!
४) आपल्याकडील दुचाकी, तीन चाकी किंवा चार चाकी वाहने धुण्यासाठी कमीत कमी पाणी खर्ची कसे होईल ते पाहावे, जसे ओल्या कापडाने गाडी स्वच्छ करून घेता येते पाणी वाचवा जीवन वाचवा!
५) उन्हाळ्या मध्ये आपण फ्रीज मध्ये ठेवलेल्या बाटलीतील पाणी पितो. बाटली तोंडाला लावून पिले तर गरजे पुरतेच पाणी आपण पितो आणि पुन्हा बाटली फ्रीज मध्ये ठेऊन देतो।हीच पद्दत आपण फिल्टर मधून ग्लास मध्ये पाणी घेऊन पितांना वापरावी. गरजे पुरतेच पाणी ग्लास मध्ये घ्यावे म्हणजे शिल्लक पाणी फेकले जाणार नाही पाणी वाचवा जीवन वाचवा!
६) आपला बंगला असेल तर पाण्याच्या टाकीतील पाणी टाकी पूर्ण भरल्या नंतर वाहू नये याची काळजी घ्यायला हवी। किंवा टाकीतील नळाला फ्लोट वळव बसवून घ्यावा म्हणजे टाकी भरल्यावर नळ आपोआप बंद होऊन जातो. जर सहकारी सोसायटी असेल तर तेथे सुद्धा अशीच काळजी घ्यायला हवी पाणी वाचवा जीवन वाचवा!
७) उगाच रस्त्यावर पाणी सिंपडू नये। सिंपडायचेच असेल तर हाताने शिंपडावे याने पाणी कमी लागते व चिखल होत नाही. पाईपचा वापर करू नये पाणी वाचवा जीवन वाचवा!
८) शक्य असल्यास भांडी नळाखाली न धुता बादलीत पाणी घेऊन धुवावी पाणी वाचवा जीवन वाचवा!
९) कपडे धुणे झाल्यावर राहिलेल्या साबणाच्या पाण्याचा उपयोग टोयलेट स्वच करण्यासाठी किंवा अंगणात सदा सिंपडण्यासाठी करावा पाणी वाचवा जीवन वाचवा!
मला वाटते इतके जरी आपण भगिनींनी केले तरी बऱ्याच प्रमाणात पाण्याची बचत साद्ध्य होईलपाणी वाचवा जीवन वाचवा!

Monday, December 28, 2009

गैस चा वापर जपून करणे - एक सल्ला




१. शेगडीवर भांड ठेवल्यावरच गैस सुरु करावा. याने गैस ची बचत होते.
२. भाजण्यासाठी गैसच्या जाळीचा उपयोग केल्यास गैस कमी खर्ची पडतो.
३. गैस संपला असेल तेव्हा सिलिंडर आडवा करून वापर करू नका. कधी कधी स्फोट होतो.
४. गैस कमी निघत आहे असे वाटत असेल तर गैसच्या ब्रश चा वापर करून स्वच्छ करून घ्यावे. छिद्रातील घाण निघाल्यावर जास्त व निघतो.
५. अधून मधून छिद्र स्वच्छ करत राहावे.
६. दुध किंवा इतर पदार्थ उतू जाऊ देऊ नये. याने छिद्र बुजून जातात व गैस कमी निघतो.
७. पाणी तापविण्यासाठी पातेल्याचा वापर करण्यापेक्षा गैसच्या गीजर चा वापर करावा. याने गैस ची बचत होते.
८. विजेचे गीजर वापरू नये. त्यापेक्षा पातेल्यात पाणी गरम करणे जास्त चांगले.
९. रोज रात्री न विसरता गैस बंद करायला विसरू नये.
१०. घरातून बाहेर पडतांना किंवा गावी जातांना गैस बंद करणे किंवा रेग्युलेटर काढून ठेवणे जास्त सुरक्षित असते.
११.गैस सिलिंडर प्रवाशी वाहतुकीतून नेऊ नये.
१२. गैस जपून वापरला तर ह्या चित्रातील लाईन पासून आपण वाचू शकतो हे लक्षात असू द्यावे.

तुमच्या घरात वापरत असलेला गैस कसा काम करतो याची थोडक्यात माहिती या यु ट्यूब वर सापडलेल्या व्हीडीओ मध्ये दिली आहे.



नमस्कार ! ! !






माझा ब्लॉग तसा फारच जुना आहे. पण मी त्यावर लिहित नव्हते. आज मी लिहायला सुरुवात केली आहे. "सखी शेजारिणी" ह्या नावाने. माझी पहिलीच पोस्ट आपल्याला कशी वाटली अवश्य कालवा. मी आपल्या प्रतिक्रियेची आतुरतेने वाट पाहत आहे.